Masallıda abadlıq və xeyriyyə işləri 15-30 dekabr 2025
- 30-12-2025, 15:35
- Maraqlı
- 0
- 701
Rayonda əhalinin sosial rifahının yüksəldilməsi və infrastrukturun müasirləşdirilməsi məqsədilə bir sıra mühüm tədbirlər həyata keçirilmişdir. Xüsusilə ərazilərdə əhalinin gündəlik həyat şəraitinin yaxşılaşdırılması istiqamətində təmir-bərpa, abadlıq, elektrik, qaz, su xətlərində təmir və yenidənqurma işləri aparılmışdır. Aztəminatlı ailələrə və yardıma ehtiyacı olan şəxslərə maddi yardım göstərilmişdir.
Masallı rayonunda Rayon İcra Hakimiyyəti, bələdiyyə, idarə, müəssisə, təşkilat və xeyriyyəçilər tərəfindən aşağıda qeyd olunmuş işlər görülmüşdür.
Həsənli ərazisində Masallı Su Melorasiya Sistemlərinin İstismarı İdarəsi tərəfindən 1.5 km məsafədə suaparıcı kanal lildən təmizlənmişdir.
Xırmandalı ərazisində Masallı Su Meliorasiya Sistemlərinin İstismarı idarəsi tərəfindən 150 metr məsafədə su aparıcı kanal lildən təmizlənmişdir.
Öncəqala ərazisində Masallı Su Melorasiya Sistemlərinin İstismarı İdarəsi tərəfindən 100 metr məsafədə suaparıcı kanal lildən təmizlənmişdir.
Təzə Alvadı ərazisinin Meşəkənarı kəndində Əliyev Rahim Səfəralı oğlunun yeni evinin açılışı ilə əlaqədar həyətinə 47 saylı Yol İstismarı MMC tərəfindən çınqıl tökülərək hamarlanmışdır.
Qızılavar ərazisində mərkəzi yolda 1 km elektrik kabeli yenisi ilə əvəz olunmuşdur. (5500 manat)
Xırmandalı ərazisində nümayəndəlik və bələdiyyənin təşəbbüsü ilə 250 metr məsafədə küçə işıqlandırması sistemi quraşdırılmışdır.
Böyük Kolatan ərazisində 2 ədəd elektrik dirəyi və 200 metr elektrik xətti yenisi ilə əvəz olunmuşdur.
Ərkivan, Boradigah, Mahmudavar, Banbaşı və Musakücə ərazilərində elektrik xətlərinə maneə yaradan ağaclar budanmışdır.
Qızılağac kənd qəbrəstanlığında məzar daşlarına maneə yaradan ağaclar ərazi nümayəndəliyi tərəfindən budanmışdır.
Qəzvinoba kəndində məscidin ətrafindakı hasara suvaq vurulmuş və dəmirləri yerindən rənglənmişdir.
Ərkivan ərazi nümayəndəliyi və bələdiyyənin təşəbbüsü ilə aztəminatlı ailə üçün artezian su quyusu qazılmışdır.(1600 manat)
Xırdalandalı ərazisinin Hacıtəpə kəndində körpü əsaslı təmir olunur. (2000 manat)
Sərçuvar ərazisində mərasim evində oturacaqlar təmir edilmişdir. (850 manat)
Təkdam kəndinin adı yazılmış tanıtım lövhəsi yenisi ilə əvəz olunmuşdur. (500 manat)
