Masallıda “Əmək münasibətlərində gender bərabərliyi – bərabər hüquqlar və bərabər imkanlar” mövzusunda maarifləndirici tədbir
- 31-10-2025, 20:23
- Maraqlı
- 0
- 184
31 oktyabr 2025-ci il tarixdə Masallı Rayon İcra Hakimiyyətinin inzibati binasında Qadınların məşğulluq imkanlarının genişləndirilməsi və əmək bazarında gender bərabərliyinin təmin olunması, milli qanunvericilikdə bununla bağlı beynəlxalq əmək standartlarına uyğun təkmilləşdirmələrin aparılması, eləcə də kişilərin üstünlük təşkil etdiyi peşə və sənaye sahələrində qadınların məşğulluğunun təşviqi məqsədilə Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti və Nazirliyin tabeliyində Dövlət Məşğulluq Agentliyinin birgə təşkilatçılığı ilə “Əmək münasibətlərində gender bərabərliyi – bərabər hüquqlar və bərabər imkanlar” mövzusunda tədbir keçirilmişdir.
Bu tədbirlər çərçivəsində müvafiq regionalarda fəaliyyət göstərən işəgötürənlərlə görüşlər və qurumların müvafiq fəaliyyəti ilə bağlı məlumatların verilməsi nəzərdə tutulmuşdur.
Tədbirdə Azərbaycan Respublikasının Əmək və Əhalinin Sosial Müdafiə Nazirliyi Aparatınnın Əmək siyasəti şöbəsinin sektor müdiri Rəşad Əhmədov, Əmək siyasətinin təkmilləşdirilməsi sektorunun mütəxəssisi Orxan Nadirov, Dövlət Əmək Müfəttişliyi Xidmətinin Lənkəran-Astara regional şöbəsinin rəis müavini Rasim Rəhimov, Lənkəran-Astara Regional Məşğulluq filialının Təhlil və tərəfdaşlarla iş şöbəsinin müdiri Nahid Nağdiyev, Masallı Rayon İcra Hakimiyyətinin başçısı aparatının əməkdaşları və ərazi nümayəndələri, bələdiyyələr, idarə-müəssisə rəhbərləri və digər sahələrdə fəaliyyət göstərən işəgötürənlər iştirak etmişdir.
Tədbirdə qeyd edilib ki, dövlət məşğulluq siyasətinin prioritetlərindən biri də qadınların əmək bazarında iştirak və məşğulluq imkanlarının artırılmasıdır. Hazırda dünyanın bir çox ölkələrinin qanunvericiliklərində qadın əməyi qadağan olunan peşə (vəzifə) və iş yerləri yoxdur. Qadınların məşğulluq və daha yüksək əmək haqqı almaq imkanlarının artırılması məqsədilə mütəmadi islahatlar aparılır.
Ölkəmizdə də bu məqsədlə Əmək Məcəlləsinin bəzi maddələrinə dəyişiklik edilməsi, qadın əməyinin tətbiqi qadağan olunan iş yerlərinin sayının ciddi şəkildə azaldılmaqla, beynəlxalq standartlara uyğunlaşdırılması üçün qanunvericilik layihələri hazırlanıb.
Tədbirdə yeni layihələr təqdim olunub, müzakirələr aparılıb. Sonda iştirakçıları maraqlandıran suallar cavablandırılmışdır.
