• Masallıda çox zəhmətkeş, vətənpərvər, həqiqi Azərbaycan vətəndaşları yaşayır...
  • Heydər Əliyev
  • RU
  • EN
  • » » Masallı şəhər ərazi nümayəndəliyinin hesabat yığıncağı keçirilib

    Masallı şəhər ərazi nümayəndəliyinin hesabat yığıncağı keçirilib

    Masallı şəhər ərazi nümayəndəliyinin hesabat yığıncağı keçirilib

    Masallı RİHB-nın Masallı şəhər inzibati ərazi dairəsi üzrə nümayəndəliyinin hesabat yığıncağı keçirilib.
    Yanvarın 31-də Şəhər Mədəniyyət Mərkəzində keçirilən tədbirdə RİHB-nın Masallı şəhər inzibati ərazi dairəsi üzrə nümayəndəsi Kamal Mazanovun 2018-ci ilin yekunları, 2019-cu ildə qarşıda duran vəzifələr barədə hesabat məruzəsi dinlənilib.
    Məruzəçi bildirib ki, ümumi ərazisi 2554 ha olan Masallı şəhərində 7232 yaşayış evi,  5720 ev təsərrüfatı və ev təsərrüfatları üzrə 26150 nəfər əhali vardır.
    2018-ci il ərzində şəhər inzibati ərazi dairəsində aparılan təmir tikinti, abadlıq və kommunal xidməti işləri davamlı olaraq həyata keçirilmişdir. Belə ki, ümumi uzunluğu 5.3 km olan Bakı prospektinin ilkin olaraq Seybətin dairəsi-Musakuçə dairəsi istiqamətində olan 3,0 km-lik hissəsində yenidənqurma işləri görülmüşdür. Prospekt boyu yol kənarlarına 9000 kub metr torpaq materialı daşınaraq piyada səkilərinin yataqları genişləndirilmiş, 6000 p/m uzunluğunda beton səki daşları düzülmuş, piyada səkilərinin arxa hissələri əhəng daşı ilə hörülmüşdür. Piyada səkilərinin altı çınqıl materialı ilə doldurularaq katokla sıxılmışdır. Prospekt boyu əvvəldən mövcud olmuş bir tərəfli işıqlandırma sistemi sökülərək götürülmüş və iki tərəfli olmaqla müasir işıqlandırma sistemi ilə əvəz edilmişdir. Bu ərazidə 6500 m uzunluğunda kabel materialı istifadə olunmaqla 105 yeni işıqlandırma dirəyi quraşdırılaraq istifadəyə verilmişdir. Piyada səkilərinə 8500 kvm, prospektin 3,0 km-lik hissəsinə isə yüksək keyfiyyətli asfalt örtük döşənmişdir.Eyni zamanda bildiririk ki, Masallı şəhəri ilə yeni inşa edilmiş Ələt-Astara avtomobil yolunu birləşdirən bir kilometrlik hissədə isə yol yatağı genişləndirilərək 11 metr səviyyəsinə çatdırılmış, yola 950 p/m uzunluğunda beton səki daşları düzülərək piyada səkiləri qurulmuş, piyada səkilərinə asfalt döşənərək 20 ədəd müasir işıqlandırma sistemi ilə təchiz olunmuşdur. Yol kənarına hər iki tərəfdə yaşıllıq zolağı salınaraq ağaclar əkilmişdir. Bu hissədə yol yatağına 9 metr enində asfalt örtük vurulmuşdur. Musaküçə dairəsi kimi adlanan yol qovşağı da yenidən qurulmuşdur. Azəravtoyol Dövlət Agentliyinin  mütəxəssisləri tərəfindən mövcud qovşaq sökülmüş, nəqliyyatın təhlükəsiz hərəkətinin təmin edilməsindən ötrü yeni layihə əsasında qovşaq inşa edilmişdir. Yol qovşağının asfalt örtüyü yenilənmişdir. Bu istiqamətdə müxtəlif yol nişanları quraşdırılaraq yol ayrıcı xəttlər çəkilmişdir. Prospekt boyu yol kənarı meşə zolagı da daxil olmaqla bütün ərazidə abadlıq işləri görülmüş və ərazidə olan kol-koslar təmizlənərək kənarlaşdırılmışdır.
    Seybətin küçəsində də abadlıq işləri həyata keçirilmişdir. Uzunluğu 1.5 km olan küçənin 1,0 km-lik hissəsində 750 p/m beton səki daşları düzülmüş, yola asfalt döşənmiş, yol kənarı 300 metrə yaxın açıq olan həyətlar dəmir konstruksiya ilə bağlanmış, qalan hasarlar təmir edilmiş, piyada səkilərinə asfalt örtük döşənmişdir. Yol yatağına düşən elektrik hava xətt dirəkləri kənarlaşdırılmış, yola 23 ədəd işıqlandırma dirəyi quraşdırılmışdır. Eyni zamanda Seybətin məktəbinin qarşısında 150 m uzunluğunda kərpic materialından istifadə olunmaqla hasar çəkilmiş, ərtaf ərazilər abadlaşdırılmış və məhəllə daxili yollar asfaltlanmışdır. Bu yolda da yol kənarı yaşıllıq zolaqları salınaraq ağaclar əkilmişdir.
    Masallı şəhərinin Baş Planında Viləş çayının şəhər ərazisindən keçən hissəsi turizm zonası kimi nəzərdə tutulduğundan həmin ərazidə rayon icra hakimiyyəti tərəfindən 6,0 hektar ərazidə Palk Bulvar kompleksinin tikintisinə başlanılmışdır. Hal-hazırda beton bəndin üzərində aqlay materialı və kərpic elementlərindən istifadə olunmaqla sütunların və sütunlar arası hissələrə metal mühəccərlərin quraşdırılması işləri görülməkdədir. Eyni zamanda çay yatağının istinad divarlarının layihəyə uyğun xüsusi elementlərlə yeni formada qurulması, sahil boyu eni 7,2 metr olan yolun piltələrlə döşənməsi işləri həyata keçirilir. Artıq 5000 kvm-ə yaxın sahəyə piltə döşənmiş və işlər davam etdirilir. Bundan başqa layihəyə nəzərdə tutulmuş “Masallı evi” və “Uşaq əyləncə mərkəzi”nin layihələri naturada yerə köçürülmüş və tikinti işlərinə başlanılmışdır.
    Nəriman Nərimanov küçəsinə 4000 m2, Puşkin küçəsinə 1400 m2, Zərifə Əliyeva küçəsinə 11000 m2, Tələt Şıxəliyev küçəsinə 3500 m2, Ziya Bünyadov küçəsinə 2200 m2, Elşad Hüseynov 3000 m2, Elşad Əhədov küçəsinə 4050 m2, Cavanşir küçəsinə 3400 m2, İsrafil Məmmədov küçəsinə 2600 m2, Vidadi küçəsinə 1600  mvə Həzərxan Səmədov küçəsinə isə 1200 m2 asfalt örtüyü döşənmişdir. Bununla yanaşı şəhərin bir çox küçələrinə, o cümlədən Cəfər Cabbarlı, Təbriz, Xəqani Şirvani, M.Hüseyn, Qara Qarayev, Məmməd Araz küçələrinə qum-çınqıl materialı tökülərərk hamarlanmışdır. Hazırda şəhərin Qurtuluş küçəsində, Bakı prospektində piyada səkilərinin qurulması, işıqlandırma sisteminin yenilənməsi və layihədə nəzərdə tutulan digər təmir-tikinti işləri görülməkdədir. Şəhərin S.Vurğun küçəsində isə 2 metr enində yeni qurulan piyada yoluna 250 p/m bardür düzülmüş və üzərinə asfalt vurulmuşdur. H.Əliyev prospektinin köhnə bazara yaxın olan hissəsində yeni qurulmuş piyada yoluna 150 p/m bardür düzülmüş, üzərinə 600 m2 metlax döşənmiş, işıq dirəkləri qoyulmuş, ağac və yaşıllıqlar salınmış, yaşıllıqların ətrafına 550 ədəd park bardürü düzülmüş, 50 metr dəmir hasar quraşdırılmışdır. Bununla yanaşı qurunt sularının kənarlaşdırılması üçün 400 metr uzunluğunda su ötürücü nov qurulmuş və əlavə olaraq “Bank Respublika”nın qarşısında yağışlar zamanı qurunt sularının yığıldığı hissədə 70 metr uzunluğunda drenaj boru quraşdırılmışdır.
    Şəhərin küçə və prospektinin işıqlandırma sisteminin saz vəziyyətdə saxlanılmasından ötrü keçən dövr ərzində müvafiq tədbirlər həyata keçirilmişdir. Bildirmək istəyirəm ki, şəhər ərazisində 1255 ədəd işıq dirəyi, 2370 ədəd işıq nöqtəsi vardır. İl ərzində şəhərin işıq təsərrüfatında işıqnöqtələrinə qulluq edilmiş, yanmış lampaların, yararsız olan kabellərin yenisi ilə əvəz olunması işləri həyata keçirilmişdir.
    Ötən il ərzində Masallı Mənzil Kommunal Təsərrüfatı İstehsalat Birliyi öz fəaliyyətini xeyli genişləndirmişdir. Keçən il ərzində Birliyin yaşıllaşdırma sahəsinin şitillik təsərrüfatında 53000 ədəd dekorativ bitkilər əkilib becərdilmiş və şəhərin küçə, park və meydanlarına, yaşıllıq zolaqlarına əkilmişdir. Bundan əlavə Seybətin dairəsində çoxillik yaşıllıq zolağı, Seybətin küçəsində 134 ədəd şam ağacı, 100 ədəd Eldar şamı, Hüseynhacılı yolunda 268 ədəd Şam və sərv ağacı, Z.Əliyeva küçəsinin Bakı prospektinə birləşən hissəsində və Xəstəxana dairəsində yaşıllıq zolaqları salınmışdır. Şəhərin küçə, park və meydanlarında, o cümlədən Park Bulvar komlpleksində, Musaküçə dairəsi, Z.Əliyeva küçəsi, bayraq meydanı ərazisində xeyli qızılgül, Eldar şamı, Yolka çepares, Xan çinar və feyxoa əkilmişdir. Salınmış yaşıllıq sahələrinin xüsusi ilə də isti dövrlərdə suvarılması, biçilməsi  eyni zamanda onlara aqrotexniki qaydada qulluq edilməsi birliyin işçiləri tərəfindən olduqca mütəşəkkil qaydada aparılmışdır. Bundan əlavə Baramaçılığın inkişafı məqsədilə Çin Xalq Respublikasından gətirilmiş 11200 ədəd tut tingləri Seybətin ərazisində əkilmişdir.
    XIX əsrə aid olan Cümə məscidi əsaslı təmirdən sonra istifadəyə verilmişdir.          
    Şəhər ərazisində 7 tam orta ümumtəhsil məktəbi, 1 litsey və 5 uşaq bağçası yerləşir. Təhsilin keyfiyyətinin yüksəldilməsi məqsədilə 2018-ci ildə şəhər inzibati ərazi dairəsi üzrə nümayəndəliyi tərəfindən şəhər ərazisində yerləşən orta ümumtəhsil məktəblərində şagirdlərin, baxçalarda isə uşaqların davamiyyəti ilə əlaqədar mütəmadi olaraq yoxlamalar aparılmışdır. Orta ümumtəhsil məktəblərində aparılmış araşdırma zamanı I-IX  siniflərdə dərsə davamiyyətin yaxşı olması, X-XI siniflərdə isə davamiyyətin aşağı səviyyədə olması müəyyən olunmuşdur. Ötən ildə şəhər ümumtəhsil məktəbləri üzrə 290 şagird məzun olmuş, onlardan 159 nəfəri ali məktəblərə sənəd vermiş və 124 nəfər qəbul imtahanlarından müvəffəqiyyət qazanaraq tələbə adını qazanmışdır. Sevindirici haldır ki, tələbə adını qazananların 53 nəfəri qızlardır.
    Ölkə və ölkə hüdudlarından kənarda öz istehsalı ilə məşhur olan “EMBAWOOD” mebel fabriki, Sənaye Məhəlləsi, Çəltik emalı zavodu, “Fəxrəddin-K” kərpic zavodu, “Masera” MMC istilikxanası, otellər və restoranlar, müxtəlif ticarət və istehsalat müəssisələri ərazidə fəaliyyət göstərir. Bununla yanaşı şəhər ərazisində Masallı Asan həyat kompleksinin yaradılması gənclərin işlə təmin olunmasında və rayonun iqtisadiyyatının formalaşmasında xüsusi rol oynayır.
    Masallı Sənaye Məhəlləsində tikinti materiallarının istehsalı ilə bağlı 2 milyon manat, mebel istehsalı ilə bağlı isə 1 milyon 200 min manat müəssisələr tərəfindən investisiya qoyulmuş, 125-ə yaxın yeni iş yeri yaradılmışdır. Bununla yanaşı Digər xidmət sahələri üzrə, o cümlədən “Masallı Nemətləri” MMC-nin İri çəltikçilik təsərrüfatının yaradılması üçün 620 min manat, “Aqroservis” - əkin sahələrinə aqrotexniki xidmət və kənd təsərrüfatı texnikalarının icarəsi və təmiri müəssisəsinin yaradılması üçün 550 min manat və “Qızılgül” uşaq əyləncə mərkəzinin yaradılması üçün 600 min manat investisiya qoyulmuş, 54-ə yaxın yeni iş yeri yaradılmışdır.
    Masallı şəhər sakinləri Rəhimov Əhmədağa Məcid oğlu və Əliyev Samir Əfqan oğlu “ABAD” (Ailə Biznesinə Asan Dəstək) ailəsinin üzvlərindəndir. Onlar  “ABAD” tərəfindən verilmiş istehsal avadanlığı ilə təmin olunmuşlar. Əhmədağa Rəhimov ən yüksək standartlara uyğun, təmiz, keyfiyyətli və dadlı kolbasa və sosislərini, Samir Əliyev isə mürəbbə və cem məhsullarını hazırlayırlar.
    2017/2018-ci illər üzrə şəhər ərazisində torpaq mülkiyyətçiləri tərəfindən 320 ha yaxın sahədə kənd təsərrüfatının istehsalı məqsədilə şumlama işləri aparılmışdır. Əkin işi aparılması üçün şumlanmış sahələrə 190 ha buğda, 35 ha vələmir, 44 ha arpa, 2 ha yonca, 7 ha pomidor, 3 ha xiyar, 6 ha kartof, 24 ha noxud, 4 ha mərci, 2 ha lərgə, 3 ha sarımsaq əkilmişdir.  2018/2019-cu illər üzrə isə Masallı şəhər ərazisində torpaq mülkiyyətçiləri tərəfindən 323 ha yaxın sahədə kənd təsərrüfatı məhsullarının istehsalı məqsədilə şumlama işləri aparmışlar. Əkin işi aparılması üçün şumlanmış sahələrdə 196 ha buğda, 42 ha vələmir, 37 ha arpa, 4 ha yonca, 1 ha sarımsaq və qalan 43 ha sahələrdə isə digər məhsulların əkilməsi nəzərdə tutulmuşdur.
    Heydər Əliyev Mərkəzinin, Gənclər Mərkəzinin, Masallı Olimpiya İdman Kompleksinin, Şahmat məktəbinin, Taekvando, Boks Mərkəzlərinin maddi texniki bazasından ötən ildə idmanın, təhsilin inkişafı naminə geniş istifadə olunmuşdur. 2018-ci ildə inzibati ərazimizdə mötəbər idman tədbirləri, o cümlədən müxtəlif idman növləri üzrə rayon birinciliyi, Respublika əhəmiyyətli turnirlər keçirilmişdir.
    Xətai parkının yenidən qurulması, Park-Bulvar kompleksinin istifadəyə verilməsi, Kosakül yolunun abadlaşdırılması, H.Əliyev prospekti, S.Vurğun, R.Axundov və S.Məmmədov küçələrinə asfalt örtüyünün vurulması, R.Abbasov, Sabir, Digah, Füzuli, Dadva, Qurtuluş, Azərbaycan və Xətai küçələrinin cari təmiri işlərinin həyata keçirilməsi nəzərdə tutulmuşdur.
    Hesabat yığıncağında iştirak edən Masallı Rayon İcra Hakimiyyətinin başçısı Rafil Hüseynov bildirib ki, regionların sosial-iqtisadi inkişafı ilə bağlı mərhələli proqramların qəbul və icra olunması hər bir bölgənin tarazlı inkişafını təmin etmişdir. Ölkənin hər yerində olduğu kimi, Masallıda da regionların sosial-iqtisadi inkişafı Dövlət proqramları uğurla həyata keçirilmiş, nəzərdə tutulmuş bütün infrastruktur layihələr icra edilmişdir. Ötən ilin sentyabr ayının 18-də Azərbaycan Respublikasının Prezidenti cənab İlham Əliyevin Masallı rayonuna səfəri çərçivəsində Masallı Sənaye Məhəlləsinin, “Masallı-Nemətləri” MMC-nin çəltik emalı müəssisəsinin, əsaslı şəkildə yenidən qurulan Şatıroba-Hişkədərə-Miyankü-Kubin-Birinci Səmidxanlı-Xallıcalı-Eminli-Məmmədxanlı avtomobil yolunun açılışını etmiş və Park Bulvar kompleksində aparılan tikinti-quruculuq işləri ilə tanış olmuşdur. Ölkə rəhbəri səfərləri çərçivəsində rayon ərazisində aparılan abadlıq, tikinti-quruculuq işlərini həmişə yüksək qiymətləndirmişdir. Cənab Prezident Masallı şəhərində 10 küçədə əsaslı yenidənqurma işlərinin aparılması üçün ötən il maliyyə vəsait ayırmışdır. Bu, dövlətimizin başçısının masallılara olan diqqət və qayğısının bariz nümunəsidir.
    Vətəndaşların müraciətinə baxılması, araşdırılması və nəticəsi barədə Masallı şəhər inzibati ərazi dairəsi üzrə nümayəndənin müavini Fərid Novruzov geniş məlumat verib.
    Şəhərdə görülmüş və görüləcək işlərə görə sakinlər adından Ələşrəf Niftiyev, Tofiq Şahmarov, Rafiq Bağırov, Mirsalam Əliyev, Zöhrab Talıbov və başqalrı möhtərəm Prezidentimiz cənab İlham Əliyevə, rayon rəhbərinə minnətdarlıqlarını bildiririb, təklif və müraciətlərini səsləndiriblər.
     
    Akif AĞAYEV,
    “Yeni həyat”,
    www.yeniheyet.az шаблоны для dle 11.2
    DİGƏR XƏBƏRLƏR
    XƏBƏR LENTİ
    1. 18:30 Masallıda poliatlon çoxnövçülüyü üzrə rayon birinciliyi keçirilib
    2. 18:07 Masallı rayonunun Qızılağac kəndində yeni məktəb binasının açılışı olub
    3. 18:36 Masallıda məktəbli şəhid övladları ilə görüş keçirilib
    4. 18:27 Masallının iki kəndində həkim məntəqəsi istifadəyə verilib
    5. 22:18 Masallıda təhsil işçilərinin sentyabr konfransı keçirilib
    6. 21:51 Masallının Boradigah qəsəbəsində yeni məktəb binasına baxış keçirilib
    7. 14:21 Masallıda Milli Musiqi Gününə həsr olunan onlayn konsert
    8. 13:53 Masallıda tələbə adını qazanmış bir qrup gənclə görüş keçirilib
    9. 13:26 Masallının Sərçuvar kəndində abidə-bulaq kompleksinin açılışı
    10. 08:13 Masallıda 600-dən çox bal toplayan tələbələrlə görüş keçirilib
    11. 19:10 Masallının Mahmudavar kəndində şəhidlərin xatirəsinə ucaldılmış abidənin açılışı olub
    12. 18:42 Masallının Banbaşı kəndində şəhidlərin xatirəsinə abidə kompleksi inşa edilib
    13. 15:59 Masallıda bilik yarışmasının qalibləri mükafatlandırılıb
    14. 15:44 Masallıda çəltik yığımına başlanılıb
    15. 15:41 Masallıda reydlər davam edir
    16. 13:02 Masallıda "Mədəniyyət kəndlərdə" layihəsinə start verilib
    17. 12:28 MASALLI - Şərəfədə yollar təmir olunur, çiyələk plantasiyası genişlənir
    18. 17:14 MASALLI - Lürəndə meyvə bağları
    19. 12:05 Masallının Yeyənkənd ərazisindəki küçələr təmir olunur
    20. 11:22 Şuşanın strateji əhəmiyyəti
    21. 11:20 Şuşa Azərbaycan mədəniyyətin beşiyidir
    22. 16:06 Masallılı üzgüçü Paralimpiya çempionu və rekordçusudur
    23. 19:48 Masallının Xıl kəndində Ağsaqqallar evi tikilib
    24. 19:43 Masallının Böyük Kolatan kəndində asfaltlama işləri
    25. 13:33 Masallı gəncləri şəhidlərin məzarını ziyarət edib
    26. 13:39 Masallıda "Ruhların qisası" tamaşası təqdim edilib
    27. 13:17 Masallıda Ağsaqqallar Şurasının növbəti iclası keçirilib
    28. 19:51 YARIM ƏSR MƏTBU SÖZÜN İŞIĞINDA
    29. 21:22 Masallı RİH başçısı növbəti onlayn müşavirə keçirib
    30. 20:18 Masallının Hüseynhacılı kəndində “Şəhidlər bulağı” istifadəyə verilib
    31. 16:08 Masallı rayon Mərkəzi Kitabxanasında kitab təqdimatı və şəhid anası ilə görüş
    32. 19:10 "Ritual Mobil Teatr Laboratoriyası" beş günlük Masallıdadır
    33. 18:49 Masallının Qarğalıq kəndində “Şəhidlər bulağı” istifadəyə verilib
    34. 18:25 Masallıda Vətən Müharibəsi iştirakçılarına "Füzulinin azad olunmasına görə" medalı təqdim edilib
    35. 13:44 Masallıda “Unudulmaz tarix” adlı sərginin bağlanış mərasimi keçirilib
    36. 20:34 Masallılı heykəltəraş Vətən Müharibəsi Qəhrəmanının büstünü hazırlayıb
    37. 19:43 Masallıda şəhid Nurlan Əbilovun doğum günü qeyd edilib
    38. 14:09 Masallıda şəhidlərin xatirəsinə həsr olunmuş virtual kompozisiya nümayiş olunub
    39. 11:46 Peyvənd sertifikatı
    40. 11:43 COVİD-19 pandemiyasına qarşı Azərbaycanda həyata keçirilən vaksinasiya
    «    Sentyabr 2021    »
    BeÇaÇCaCŞB
     12345
    6789101112
    13141516171819
    20212223242526
    27282930 
    DÜNYA XƏBƏRLƏRİ