Masallı Rayon İcra Hakimiyyətinin başçısı 8 Mart – Beynəlxalq Qadınlar Günü münasibətilə rayonun bir qrup şəhid ailəsini ziyarət edərək onları bayram münasibətilə təbrik edib
Masallı Rayon İcra Hakimiyyətinin başçısı 8 Mart – Beynəlxalq Qadınlar Günü münasibətilə rayonun bir qrup şəhid ailəsini ziyarət edərək onları bayram münasibətilə təbrik edib. Ziyarət zamanı Şəhid Bağırov Mətləb Nəriman oğlunun anası Həşimova Zəringül Qəvvam qızı (Dəmirçi kəndi), Şəhid Vəliyev Ədalət Hidayət oğlunun anası Vəliyeva Almaz Mütalib qızı (Qarğalıq kəndi), Şəhid Şahbazov Mübariz Tofiq oğlunun anası Şahbazova Təmilə Məmmədbağı qızı (Mahmudavar kəndi) və Əliyev Vilayət Lətif oğlunun anası Ağayeva Sərvər (Babaküçə kəndi) ilə görüş keçirilib.
Görüş zamanı şəhid analarının göstərdiyi səbir və fədakarlığın xalqımız üçün böyük örnək olduğu vurğulanıb, onların qayğıları ilə maraqlanılıb. Şəhid ailələrinə dövlət tərəfindən daim diqqət və qayğı göstərildiyi qeyd olunub.
Ziyarət zamanı şəhid analarına bayram münasibətilə gül dəstələri və hədiyyələr təqdim olunub.
Şəhid anaları göstərilən diqqət və qayğıya görə minnətdarlıqlarını bildirərək övladlarının xatirəsinin daim uca tutulduğunu qeyd ediblər.
