Allah rəhmət eləsin

Nəriman Qulam oğlu Qafarov
Masallı Rayon ağsaqqallarına itki üz vermişdir. Uzun illər rayonun ictimai-təsərrüfat həyatında fəallıq göstərən, müxtəlif vəzifələrdə çalışan el ağsaqqalı, dəyərli insan Nəriman Qulam oğlu Qafarov ömrünün 86 yaşında dünyasını dəyişmişdir.

Nəriman Qafarov 1939-cu ildə Masallı rayonunun Hişkədərə kəndində anadan olmuşdur. Orta məktəbi bitirəndən sonra ali təhsil almışdır. Kəndin təsərrüfat həyatında böyük əməyi olmuşdur. Hişkədərə kəndində həmkarlar təşkilatının sədri, sovxoz direktoru işləmiş, kənd sovetinə rəhbərlik etmişdir. İşlədiyi dövrdə sovxoz çayçılıqda böyük nailiyyətlər qazanmış, heyvandarlıqda fərqlənmişdir. Sovet sədri vəzifəsində çalışanda kənddə abadlıq-quruculuq işlərində sözünü deyə bilmişdir.
Nəriman Qafarov Vətənini sevən, dövlətçiliyə sədaqətli idi.
O, təkcə yaşadığı kənddə deyil, rayonda və ətraf kəndlərdə böyük nüfuz sahibi idi. Kəndin bəzi problemlərinin həllində maddi və mənəvi köməyini əsirgəmirdi.

Gözəl insan, dəyərli ağsaqqal, nümunəvi ailə başçısı idi.
Ailəsində dörd oğul, üç qız boya-başa çatmışdır. Oğlu Əlirza Qafarov Moskvada təhsil almış, burada yaşayır.
İqtisad elmləri doktorudur.
Maqsud da ali təhsillidir.

Gözəl insan, nüfuzlu ağsaqqal, el-obanın qeyrətini çəkən Nəriman Qafarovun xatirəsi uzun illər ürəklərdən silinməyəcək. Allah rəhmət eləsin.





 "Yeni həyat" qəzeti,
www.yeniheyet.azшаблоны для dle 11.2