Masallıda abadlıq və xeyriyyə işləri 01-15 dekabr 2025
- 15-12-2025, 16:22
- Maraqlı
- 0
- 150
Rayonda əhalinin sosial rifahının yüksəldilməsi və infrastrukturun müasirləşdirilməsi məqsədilə bir sıra mühüm tədbirlər həyata keçirilmişdir. Xüsusilə ərazilərdə əhalinin gündəlik həyat şəraitinin yaxşılaşdırılması istiqamətində təmir-bərpa, abadlıq, elektrik, qaz, su xətlərində təmir və yenidənqurma işləri aparılmışdır. Aztəminatlı ailələrə və yardıma ehtiyacı olan şəxslərə maddi yardım göstərilmişdir.
Masallı rayonunda Rayon İcra Hakimiyyəti, bələdiyyə, idarə, müəssisə, təşkilat və xeyriyyəçilər tərəfindən aşağıda qeyd olunmuş işlər görülmüşdür.
Ərkivan qəsəbə ərazisində xeyriyyəçilər tərəfindən 20 aztəminatlı ailəyə hər biri 50 manat dəyərində ərzaq yardımı (1000 manat) Ərkivan bələdiyyəsi tərəfindən isə 3 aztəminatlı ailənin hər birinə 100 manat olmaqla ümumilikdə 300 manat maddi yardım göstərilmişdir.
Sığdaş ərazisində Kolatan bələdiyyəsi tərəfindən Babaküçə kəndində mərasim evinin təmirinə 300 manat, Xanalıyan kəndində mərasim evinin tikintisinə 600 manat, Ninalov məscidinə qaz sayğacının quraşdırılması üçün 150 manat və Ninalov kəndində aztəminatlı ailəyə 150 manat, Bala Kolatan kənd sakini I qrup əlilə 200 manat, Bala Kolatan kəndində iki nəfər III qrup əlilə 600 manat, Böyük Kolatan kəndində aztəminatlı ailəyə 300 manat maddi yardım olunmuşdur.
Hişkədərə kəndində "Hişkədərə Birlik" Xeyriyyə Cəmiyyəti tərəfindən üç az təminatlı ailədən olan tələbənin hər birinə 100 manat və bir xəstəyə də 100 manat olmaqla ümumilikdə 400 manat maddi yardım olunmuşdur.
Musakücə bələdiyyəsi tərəfindən Pircana kənd sakini Vətən müharibəsi əlilinə 200 manat, Lürən kəndində bir aztəminatlı ailəyə 100 manat, Yusifli kəndində bir aztəminatlı ailəyə 200 manat maddi yardım olunmuşdur.
Göyəçöl kəndində Musakücə bələdiyyəsi tərəfindən Birinci Qarabağ Müharibəsi iştirakçısına maddi yardım olunmuşdur.
Hişkədərə ərazisində xeyriyəçilər tərəfindən 9 aztəminatlı ailəyə maddi yardım göstərilmişdir.
Xırmandalı bələdiyyəsi tərəfindən Xırmandalı kəndində iki Vətən müharibəsi iştirakçısına və bir aztəminatlı ailəyə ümumilikdə 400 manat maddi yardım olunmuşdur.
Sərçuvar ərazisində xeyriyyəçilər tərəfindən kənd məscidinin 2 ədəd taxta qapısı və 6 ədəd taxta pəncərələri plastik qapı və pəncərələr ilə əvəz olunmuşdur.
Təklə ərazi nümayəndəliyi tərəfindən Təklə kənd məscidinin ətrafında 22 ədəd şam ağacı əkilmişdir.
Yeyənkənd kəndində ümumi məsafəsi 2,9 km olan küçəyə 84 ədəd işıq dirəyi basdırılıb.
Xırmandalı ərazisinin Hacıtəpə kənd məscidinə nümayəndəliyinin və bələdiyyənin təşəbbüsü ilə xeyriyyəçilər tərəfindən 2 ədəd su nasosu, 2 tonluq su çəni və 300 metr məsafədən texniki suyun çəkilişi üçün su borular alınmışdır. (1170 manat)
Masallı Elektrik şəbəkəsi tərəfindən Xırmandalı ərazisinin Ərəb kəndində, Böyük Kolatan ərazisinin Bala Kolatan kəndində, Qızılağac və Qızılavar kəndlərində elektrik naqillərinə toxunan ağaclar budanmışdır.
Sərçuvar kəndində Masallı Su və Meliorasiya İstismarı İdarəsi tərəfindən 260 metr suaparıcı kanal lildən təmizlənmişdir.
Təzə Alvadı ərazisində köhnə Ələt-Astara magistral avtomobil yoluna maneə yaradan ağaclarda budanma işləri aparılmışdır.
Şıxlar kəndində mərkəzi yola maneə yaradan ağaclar budanmışdır.
Mahmudavar kəndinin girişində tanıtım lövhəsinin və mərasim evinin tikinti işləri davam etdirilir.
