• Masallıda çox zəhmətkeş, vətənpərvər, həqiqi Azərbaycan vətəndaşları yaşayır...
  • Heydər Əliyev
  • RU
  • EN
  • » » ANDINA, SÖZÜNƏ SAHİB – TORPAĞI VƏTƏNLƏŞDİRƏNLƏR

    ANDINA, SÖZÜNƏ SAHİB – TORPAĞI VƏTƏNLƏŞDİRƏNLƏR

     
    Xüsusi təyinatlı cəsur zabit SAHİB ŞİRƏLİYEV

    “Azərbaycan Bayrağı” ordenli, “Vətən uğrunda” və “Şuşanın azad olunmasına görə” medallı şəhid baş leytenant Sahib Yusif oğlu Şirəliyev Masallı rayonunun Ərkivan qəsəbəsində (Ramazanlı küçəsində) anadan olub. Ötən payızda, oktyabrın 18-də 25 yaşı tamam olmuşdu. Subay idi...
    S.Şirəliyev orta təhsilini Bakı şəhərində yerləşən Ağdam rayon 28 nömrəli tam orta məktəbində alıb. Əlaçı olub, nizam-intizamı, fərdi xüsusiyyətləri ilə həmyaşıdlarından seçilib. Məktəb illərində boks idman növünə, hərb sənətinə maraq göstərib. Səkkizinci sinifdən C.Naxçıvanski adına Hərbi Liseyinə sənəd verib, 202 bal toplasa da qəbul ola bilməyib. 2013-cü ildə Heydər Əliyev adına Azərbaycan Ali Hərbi Məktəbinə daxil olub. 2017-ci ildən Naxçıvan Muxtar Respublikasında, Əlahiddə Ümumqoşun Ordusunun xüsusi təyinatlı zabiti kimi vətənə qulluq edirdi. Nümunəvi xidməti, xüsusi təyinatlı qruplar arasında keçirilən yarışlarda öncüllüyü ilə fərqlənib, dəfələrlə Fəxri fərman və diplomlarla mükafatlanıb.
    Valideynləri onun hələ yeniyetməlik illərindən cəsurluğu, vətənpərvərliyi ilə seçildiyini vurğulayırlar. Atası Yusif deyir ki, açığı, əvvəllər nəslimizdə hərbçi olmamışdı. Sahib isə uşaqlıqdan, məktəb illərindən hərbi-vətənpərvərlik verilişlərini həvəslə izləyərdi. İllər ötdükcə oğlumda bu peşəyə maraq daha da artdı və qəti qərarını verdi. Savadına, biliyinə görə başqa ixtisas da seçə bilərdi. Etiraf edim ki, təkid eləsək də onu fikrindən daşındıra bilmədik. Peşə seçimində qəti olan Sahiblə razılaşmalı olduq. Kursant olduğu müddətdə dəfələrlə təşəkkürnaməyə layiq görülüb. Soruşanda cavab verərdi ki, çətin də olsa, şərəfli, əsl kişi sənətidir. Naxçıvanda olanda onunla əlaqə saxlayırdım. Elə müharibə başlayan ilk gündən  səbirsizlənirdi ki, tezliklə döyüşlərə qatılsın. Sanki məndə bir arxayınlıq yaranmışdı ki, Sahib istənilən ağır döyüşdən sağ çıxmağı bacaracaq. Lakin...
    Şölə ana üçün danışmaq çətin olsa da özünü toxdadır: “İstəyirdik ki, ailə qursun. Gözaltısı da vardı. Sahib cəbhəyə yollanandan həsrətim artdı, dua etməkdən savayı özgə əlacım qalmadı. Nələr arzulayırdıq, nələrlə qarşılaşdıq.”
    Ananın son cümlələri isə axıtdığı göz yaşları ilə ifadə edilir. O, övladının yarımçıq bitən taleyinə acıyır...
    Sahibin zəngin şəxsi kitabxanası varmış. Bədii ədəbiyyat, xüsusilə şeir həvəskarıymış. Ən çox Nizami Gəncəvinin əsərlərini mütaliə edərmiş.  Təsadüf, yoxsa... 2021-ci il Azərbaycanda “Nizami Gəncəvi ili” elan edilib.
       Şəhidin 22 yaşlı qardaşı Əli də taleyini hərbə bağlayıb. Bakı Dəmir Yolu Nəqliyyatı  Texnikumunu bitirdikdən sonra həqiqi hərbi xidmətə yollanıb. Daxili Qoşunların tərkibində ilyarım xidmətdən sonra müddətdən artıq xidmət etməyə qərar verib. Əli döyüşlərdən öncə qardaşı ilə son danışığını belə xatırlayır: ”Dedi ki, ailədən muğayat ol! Çünki bilmək olmaz evə necə dönəcəm – qalib, qazi, yoxsa şəhid kimi. Qismətində şəhidlik varmış Sahibin. Həm qardaşım, həm də yaxın dostum idi. Bir-birimizə çox alışmışdıq. Elə bil, heç yox imiş.”
    Yeganə qardaşının yoxluğu ilə barışa bilməyən Əlini qəhər boğur. Təsəlli tapır ki, Sahib Vətən uğrunda şəhid olub.
     
         Bu gün şəhid zabitimiz Sahib Şirəliyevdən tarixə yazılacaq qəhrəmanlıq dastanı geridə qalıb. Bu şərəfli salnaməni yazmaqda bizə onunla çiyin-çiyinə vuruşan igid hərbçi, qazi yoldaşları yardımçı oldu.
    Sahibin xidmət etdiyi hərbi hissənin qərargah rəisi,  3-cü dərəcəli “Vətənə xidmətə görə” ordenli mayor Nəsir Zeyniyev: “Əsgər və zabit heyətimiz cəbhəyə mərhələli şəkildə göndərilirdi. Oktyabrın 11-də, Hadrut istiqamətindən döyüşlərə qatıldıq. Qəsəbənin və ətraf yüksəkliklərin
    azad edilməsində Sahib və rəhbərlik etdiyi xüsusi təyinatlı qrup (12 nəfərlik heyətlə) xüsusi fədakarlıq göstərdi. Hadrut döyüşlərində bir neçə düşməni şəxsən özü məhv etdi. Şəhid və yaralılarımız olsa da, qarşı tərəfin sıx yerləşdiyi və güclü müdafiə olunduğu, eləcə də Hadrutu nəzarətdə saxlayan “Xaç” vacib yüksəkliyinin alınmasında S.Şirəliyevin xidməti əvəzsizdir. Onun rəhbərlik etdiyi bu uğurlu əməliyyatdan sonra qəsəbədə bölmələrimizin şəxsi heyət və döyüş texnikasının rahat hərəkəti təmin edildi...”    
    Sahibin kursant yoldaşı və onunla eyni taborda xidmət edən qrup komandiri, “Hərbi xidmətlərə görə” medallı baş leytenant Minətulla Bayramov: “Qırmızı Bazar istiqamətində, dağlıq-meşəlik ərazilərlə 2 gecə, 1 gün yol getdik. Bu əməliyyatdakı ilk tapşırığımız yaşayış məntəqəsinin giriş və çıxış qapılarını bağlamaq oldu. Qəsəbəyə çatdıqda ətrafı mövqelədik, bərabər paylanaraq yol kənarı boyunca yerləşdik. Munamyot atəşinə tutulsaq da ordu birləşmələrimizlə birgə düşmənə sarsıdıcı zərbələr endirdik. Hədəf qəsəbənin tam alınması idi. Qrupumuzdan 4 nəfər yaralandı, mən sağ qolumdan güllə yarası aldım – hospitala təxliyə olundum. Bütün məsuliyyət və ağırlıq Şirəliyevin üzərində qaldı...”
       
    “Döyüşdə fərqlənməyə görə” medallı baş gizir Kamran İbrahimov: “Tuğ kəndini aldıqdan sonra arama-tarama işlərini yekunlaşdırıb, ərazini təmizlədik. Sonra Qarabulaq kəndini, ərazidəki yüksəkliyi işğaldan azad etdik...Yeni tapşırığa əsasən Şuşa tərəfə irəlilədik. Bir neçə gün piyada yol getdik. Şuşa-Laçın yolunun 6-7 kilometrliyində döyüşə hazırlıq tədbirlərinə başladıq. Laçın dəhlizinə çatanda səhər saat 5-in yarısı idi...
    Düşmənlə qızğın atışmalar zamanı yaralanan zabitimizə ilk tibbi yardımı Şirəliyev göstərdi. Saatyarımlıq şiddətli döyüşlərdə yaralı və şəhidlərimiz olsa da dəhlizi, dəhlizin üstündəki yüksəkliyi ələ keçirtdik. Ağır artilleriya atəşlərinə məruz qalsaq da irəliləyirdik. Hətta kimsə “Şirəliyev, irəli, yoxsa geri?” soruşduqda, o, “yalnız irəli getməliyik” deyə, əmr etdi. Hədəfimiz Şuşa şəhəri idi. O səmtə istiqamətləndik. Qarşıda bizi tələyə salacağını düşünən hiyləgər yağını yenə də peşiman etdik. Düşmənin xeyli canlı qüvvəsi və hərbi texnikasını məhv etdik. İki ədəd BMP-ni yararsız hala salaraq qənimət götürdük. Lakin yarımsaatlıq ağır vuruşda cəsur və təmkinli qrup komandirimizi – baş leytenant Sahib Şirəliyevi itirdik.
    Əvvəlcə elə bildim ki, qaya arxasında mövqe tutub. Çağırdım hay vermədi. Yaxınlaşanda arxası üstdə yerə uzanan cansız bədənini gördüm. Sol çiynindən yapışıb özümə tərəf çəkdim. Güllə baş nahiyəsindən dəymişdi. Titrəm-titrəm əsən əlimi uzadıb gözlərini basanda hansı hisslər keçirdiyimi bir Allah bilir...”
                                                                 ***
     Şuşa uğrunda döyüşlərdə canını qurban verən qəhrəman hərbçimiz noyabrın 14-də, doğulduğu Ərkivan qəsəbəsində torpağa tapşırılıb. Həmyerlisi,  Tovuz döyüşlərində şəhid olmuş mayor Anar Novruzovun məzarının yanında dəfn edilib.
    Dəfn mərasimində şəhidin tabutuna bükülmüş üçrəngli dövlət bayrağımız qardaşına təqdim edilib.
    Şəhid baş leytenant Sahib Yusif oğlu Şirəliyev respublikamızın ərazi bütövlüyünün təmin edilməsi uğrunda döyüşlərdə fədakarlığı, yüksək peşəkarlıqla rəhbərliyi, düşmənin canlı qüvvəsi və döyüş texnikasının məhv edilməsindəki rəşadəti və öz vəzifə borcunu ləyaqətlə və vicdanla yerinə yetirdiyinə görə, Azərbaycan Prezidentinin müvafiq sərəncamları ilə “Azərbaycan Bayrağı” ordeni, “Vətən uğrunda” və “Şuşanın azad olunmasına görə” medalları ilə təltif edilib.
                                                              ***

    Övlad itirmək nə qədər ağır olsa da, zəfər sevinci Şirəliyevlər ailəsini ovundurur. Vətənin keşiyinə qorxmaz, bacarıqlı iki hərbçi oğul böyüdüb göndərən Yusif ata, Şölə ana, başınızı dik saxlayın, oğlunuz qəhrəmanlıq tarixi yazdı! Sizin timsalınızda bütün qəhrəman döyüşçü və şəhidlərimizin valideynləri qarşısında baş əyirik ki, belə vətənpərvər oğullar böyütmüsünüz.
    Vətəni canı bahasına bütöv edən Sahib kimi şəhidlərimizin sayəsində nəinki düşmənlərimiz, bütün dünya Azərbaycan dövlətinin və ordusunun gücünü bir daha gördü.
    Ruhun şad olsun, şəhidim! Müqəddəs mübarizən Şanlı Qələbəmizlə yekunlaşdı. Uca məqamınla fəxr edirik! Fəxr edirik ki, andına sadiq, sözünə sahib çıxdın, müqəddəs qanını axıtdığın torpağı vətənləşdirdin.

    AKİF AĞAYEV,                                            
    “Yeni həyat”,       
    www.yeniheyet.azшаблоны для dle 11.2
    DİGƏR XƏBƏRLƏR
    XƏBƏR LENTİ
    1. 23:30 Azərbaycan Prezidenti İlham Əliyev ICESCO-nun Baş direktorunun rəhbərlik etdiyi nümayəndə heyətini qəbul edib
    2. 19:42 Azərbaycanda Medianın İnkişafı Agentliyi yaradıldı
    3. 14:29 Prezident İlham Əliyev: Regionun bundan sonrakı davamlı və təhlükəsiz inkişafını təmin etmək üçün görüş çox vacib idi
    4. 23:30 Azərbaycan Prezidenti İlham Əliyev və Rusiya Prezidenti Vladimir Putinin ikitərəfli görüşü olub
    5. 16:00 YAP Masallı Rayon Təşkilatı Gənclər Birliyi şəhid ailələri və qaziləri ziyarət ediblər
    6. 13:19 Azərbaycan Prezidenti İlham Əliyev Rusiya Prezidenti Vladimir Putinin dəvəti ilə Moskvaya işgüzar səfərə gəlib
    7. 09:00 ANDINA, SÖZÜNƏ SAHİB – TORPAĞI VƏTƏNLƏŞDİRƏNLƏR
    8. 22:17 RHİM İB-nin sədri Masallıda şəhid ailələri ilə görüşüb
    9. 17:20 Prezident İlham Əliyevin sədrliyi ilə 2020-ci ilin yekunlarına həsr olunmuş videoformatda müşavirə keçirilib
    10. 15:13 Masallı Gənclər idarəsinin əməkdaşları qazi Nofəl Nuhuzadə ilə görüşüb
    11. 18:00 YAP Masallı rayon təşkilatınının sədri qazilərlə görüşüb
    12. 18:07 YAP Masallı RT Qadınlar Şurasının şəhid ailələri və qazilərə diqqəti
    13. 13:53 Masallıda şəhid ailəsinə təqaüd kartı təqdim edilib
    14. 13:09 Masallıda şəhid ailələri və qazilərə qayğı
    15. 19:00 Masallıda şəhid ailələrinə diqqət göstərilir
    16. 11:12 Masallı RİH başçısı şəhid ailələrini ziyarət edib
    17. 20:39 Dünya azərbaycanlılarına
    18. 18:17 BÖYÜK QƏLƏBƏDƏ MASALLI BİOLOJİ TƏBABƏTÇİLƏRİNİN DƏ PAYI VAR
    19. 13:00 SƏN YAŞAYACAQSAN!
    20. 12:00 “ZƏFƏRİMİZ QÜRURUMUZDUR” – Masallıda onlayn rəsm müsabiqəsinin qalibləri mükafatlandırılıb
    21. 20:46 ÖLÜMSÜZLÜYƏ QOVUŞAN ELMİR
    22. 23:59 İNTİQAMIN İNTİQAMINI DÖYÜŞ YOLDAŞLARI ALDI
    23. 23:29 Arif Fərzəli: ZƏFƏR YAĞIŞI
    24. 18:11 Əbədiyaşar şəhidlər
    25. 22:18 Masallı və Laçın məktəbliləri arasında onlayn tədbir keçirilib
    26. 12:19 Masallıda karantin qaydalarının pozulmasına qarşı reydlər davam edir
    27. 11:56 Doing Business 2020 hesabatında Azərbaycanın göstəriciləri
    28. 18:30 Prezident İlham Əliyev MDB Dövlət Başçıları Şurasının videokonfrans formatında keçirilən iclasında iştirak edib
    29. 22:56 Masallının çay plantasiyalarında qış becərməsinə başlanılıb
    30. 22:05 Toy mağarına “Vağzalı” ilə deyil, “Azərbaycan əsgəri” marşının sədaları ilə daxil olan şəhid mayor Anar Novruzov
    31. 21:13 Xalq düşmənə birlik, iradə, əzmkarlıq və milli ruh sayəsində qalib gəldi
    32. 21:01 MASALLI – Xırmandalı körpüsü təmir edilib
    33. 16:36 MASALLI – Köçəkli kəndində şəhidlərin xatirəsinə abidə ucaldılır
    34. 12:40 Qardaşı Aprel döyüşlərində, özü isə Vətən müharibəsində - Şuşada şəhid oldu
    35. 15:34 Masallıda doqquz mindən çox tut tingi əkilib
    36. 15:44 MASALLI - Bədəlanda abidə-bulaq komleksi tikilir
    37. 13:47 Prezident İlham Əliyev ATƏT-in Minsk qrupunun Fransadan və ABŞ-dan olan həmsədrlərini qəbul edib
    38. 20:39 Masallıda Azərbaycan xalqının Ümummilli Lideri anılıb
    39. 21:00 Masallı məktəbliləri üçün “Gələcəyimizin könüllüləri” layihəsinə start verilib
    40. 20:35 Masallıda Ümummilli Liderin anım günü ilə bağlı gənclərin onlayn konfransı keçirilib
    Azərbaycana dadlı səyahət: Şamaxı, Qusar və Masallı kulinariyası
    Azərbaycana dadlı səyahət: Şamaxı, Qusar və Masallı kulinariyası
      Azərbaycana dadlı səyahət: Şamaxı, Qusar və Masallı kulinariyası   Azərbaycanlılar ağızlarının dadını bilirlər. Özü də burada Ətraflı oxu
    Azərbaycana dadlı səyahət: Şamaxı, Qusar və Masallı kulinariyası
    Azərbaycana dadlı səyahət: Şamaxı, Qusar və Masallı kulinariyası
      Azərbaycana dadlı səyahət: Şamaxı, Qusar və Masallı kulinariyası   Azərbaycanlılar ağızlarının dadını bilirlər. Özü də burada Ətraflı oxu
    Bütün xəbərlər
    «    Yanvar 2021    »
    BeÇaÇCaCŞB
     123
    45678910
    11121314151617
    18192021222324
    25262728293031
    DÜNYA XƏBƏRLƏRİ