Rayon rəhbəri xəstəxanada şəhid ailəsini ziyarət etdi-01.08.2025

Masallı Rayon İcra Hakimiyyətinin başçısı Araz Əhmədov şəhid Vurğun Əkbərovun atası və anasını Masallı rayon Mərkəzi Xəstəxanasında ziyarət etmişdir.

01 avqust 2025-ci il tarixdə Masallı rayon İcra Hakimiyyətinin başçısı Araz Əhmədov, aparatın Vətən müharibəsi iştirakçıları və şəhid ailələri ilə işin təşkili şöbəsinin müdiri Qəşəm Hadıyev, Masallı rayon Mərkəzi Xəstəxanası PHŞ-in direktoru İlqar Ramizoğlu Masallı rayon Mərkəzi Xəstəxanasında müalicə olunan I Qarabağ müharibəsi şəhidi, Vurğun Əkbərovun atası Simran Əkbərovu və anası Əzizə Əkbərovanı ziyarət edərək səhəti ilə maraqlanmışlar.

Şəhid atası ona və şəhid ailələrinə göstərilən diqqət və qayğıya görə Azərbaycan Respublikasının Prezidenti Cənab İlham Əliyevə, Birinci vitse-prezident Mehriban xanım Əliyevaya, Masallı rayon İcra Hakimiyyətinin başçısı Araz Əhmədova, Masallı rayon Mərkəzi Xəstəxanasının kollektivinə və qonaqlara təşəkkürünü bildirmişdir.