ADAU-da Xocalı soyqırımının 30 illiyinə həsr olunan tədbir baş tutub
- 25-02-2022, 17:45
- Təhsil
- 0
- 522
Azərbaycan Dövlət Aqrar Universitetinin (ADAU) Aqronomluq, Torpaqşünaslıq və aqrokimya fakültələrinin Xocalı soyqırımının 30 illiyinə həsr edilən tədbiri keçirilib.
Tədbirdə əvvəlcə faciə qurbanlarının və torpaqlarımızın bütövlüyü uğrunda canından keçən şəhidlərin əziz xatirəsi yad olunub.
Çıxış edən ADAU-nun rektoru, AMEA-nın müxbir üzvü, professor İbrahim Cəfərov bildirib ki, 1992-ci il fevralın 25-dən 26-na keçən gecə Xocalıda törədilən soyqırım aktı təkcə Azərbaycan xalqına deyil, bütün bəşəriyyətə qarşı yönəlmiş ən ağır cinayətlərdən biridir. Xocalı soyqırımına siyasi qiymətin verilməsi məhz ulu öndər Heydər Əliyevin adı ilə bağlıdır.
Sonra fakültələrin tələbələri Xocalı soyqırımına həsr olunan şeir, musiqi kompozisiyaları və “Xocalı faciəsi” adlı səhnəciklə çıxışlar ediblər.
Tədbirdə Aqronomluq, Torpaqşünaslıq və aqrokimya fakültələrinin professor-müəllim heyəti, tələbələr və Türkiyə Respublikasının Ege Universitetinin bir qrup professor-müəllim heyəti iştirak ediblər.
www.yeniheyet.az
